बेगनास तालमा बेपत्ता आठै जनाको मृत्यु

“

कास्की, भदौ २४ । कास्कीको बेगनास तालमा १० जना सवार रहेको डुङ्गगा पल्टिँदा हराइरहेका ८ जनाको शव फेला परेको छ भने २ जना सकुशल बाच्न सफल भएका छन् ।

हराइरहेका गैँडाकोट घर भएका चालक ३२ वर्षीय रवि खनालको शव भेटिएसँगै मृत्यु हुनेको संख्या आठ पुगेको हो ।

दुर्घटनामा उनका दुई छोरा ७ वर्षीय शंकर खनाल र ८ वर्षीय शिव खनाल रहेका छन् भने पाँच वर्षीय प्राचीन पौडेल र १७ वर्षीय मनिसा बजगाईँ, ४ वर्षीय रञ्जित गैह्रे, पोखरा २८ कि कृष्णकुमारी बजगाईँ र तनहुँ भिमादकी जमुना कँडेल गैह्रेको पनि मृत्यु भएको हो ।

दुर्घटनामा परेका सरला खनाल र निशा पौडेल सामान्य उपचार गरी शनिबार नै घर फर्किएका थिए ।

“