लय गुुमाएको इटालीले पोल्याण्डसँग पेनाल्टीमा हार टार्यो

“एजेन्सी, भदौ २३ । निरन्तर फुटबलमा जम्दै आएको इटाली गत विश्वकपमा छनोट हुन सकेन । रसिया विश्वकपमा छनोट नभएर विश्व फुटबलमै लज्जास्पद मोडमा पुगेको इटाली अझै पनि लयमा फर्केको छैन ।

इटाली युइएफए नेसन्स लिग फुटबलमा शुुक्रबार राति पोल्याण्डसँग १–० ले पछि परेको थियो । तर खेलको ७८ औं मिनेटमा पेनाल्टी पाएपछि हार टर्यो ।

तर लय गुमाएको इटालीले जित भने निकाल्न सकेन । १–१ गोलको बराबरीमै रोकियो ।

खेलको ४० औं मिनेटमा जेलिन्स्किको गोलबाट पोल्याण्डले अग्रता लिएको थियो । डेलएरा मैदानमा ७८ औं मिनेटमा योर्गिन्होको पेनाल्टी गोलबाट इटालीलाई बराबरी गरे ।

यो प्रतिस्पर्धात्मक खेल इटालीका नयाँ म्यानेजर रोबर्टो मान्सिनीको पहिलो खेल थियो ।

लिग ए को समूह ३ मा इटाली, पोल्याण्ड र पोर्चुगल रहेका छन् । अब इटालीले सेप्टेम्बर ११ तारिखमा पोर्चुगलसँग खेल्नेछ ।”