एसिमिलानले तोड्यो रोमाको अपराजित यात्रा

“एजेन्सी, भदौ १६ । इटालियन सिरी ए फुटबलको नयाँ सिजनमा एसी मिलानले पहिलो जित दर्ता रोमा पहिलो पटक स्तव्ध भएको छ । लिग अन्तर्गत शुक्रबार राति भएको खेलमा एसी मिलानले रोमालाई २–१ ले हराउँदै ९ खेलको अपराजित यात्रामा ब्रेक लगाइदिएको हो ।

घरेलु मैदानमा भएको खेलमा इन्जुरी समयको अन्तिम मिनेटमा प्याट्रिक कट्रोनले एसी मिलानका लागि विजयी गोल गरे । त्यसअघि ४० औँ मिनेटमा फ्राँक केसीले गोल गर्दै एसी मिलानलाई सुरुवाति अग्रता दिलाएका थिए । तर ५९ औँ मिनेटमा फेडेरिको फाजिओले रोमाका लागि बराबरी गोल फर्काएका थिए । इन्जुरी समयको अन्तिम मिनेटमा कट्रोनले गोल गरेपछि एसी मिलान विजयी भयो ।

मिलानका लागि गोन्जालो हेगुइन र रोमाका लागि स्टिभन एनजोन्जीले गोल गरेका थिए । तर भिडियो एसिस्टेन्ट रेफ्रीको सहायताबाट उनीहरुको गोलले मान्यता पाएन । उनीहरु दुवैले आफ्नो नयाँ क्लबका लागि पहिलो गोल गर्ने मौका चुकाउनु पर्यो ।

मिलान पहिलो खेलमा नापोलीसँग ३–२ ले पराजित भएको थियो । यस्तै सिरी ए मा रोमा अपराजित थियो”