वडा अध्यक्षको यस्तो हर्कत, दलित महिला सदस्यसँग रंगेहात पक्राउ

“

कात्तिक २७, गौशाला । जलेश्वर नगरपालिका वडा नं ८ का वडाध्यक्ष विजयकुमार सिंह दलित महिला सदस्यसँग आपत्तिजनक अवस्थामा पक्राउ परेका छन् ।

जिल्ला प्रहरी कार्यालय महोत्तरीका अनुसार गए राति साढे १० बजेतिर जलेश्वर–८ स्थित दलित महिला वडा सदस्यको घरमा वडाध्यक्ष सिंह र दलित महिला वडा सदस्य दुवैलाई आपत्तिजनक अवस्थामा आफन्तले फेला पारेर प्रहरीलाई बुझाएका हुन् ।

महिलाका आफन्तले दुवैजनालाई घरमा थुनेर गाउँलेलाई बोलाएर रंगेहात पक्राउ गरेका थिए । दुवैलाई गए राति नै मेडिकल जाँच गराई जिल्ला प्रहरी कार्यालयको हिरासतमा राखेको प्रहरीले जनाएको छ ।

सिंह नेकपा (एमाले)बाट वडाध्यक्षमा विजयी भएका थिए ।

“