म्यादी प्रहरीमा करिब तिन लाख जनाले दिए आवेदन

“

कात्तिक १, काठमाडौँ । म्यादी प्रहरीमा  २ लाख ९४ हजार ६९ जनाले भर्ना आवेदन दिएका छन् ।  देशभरबाट २ लाख ९४ हजार ६९ जनाको आवेदन परेको प्रहरी प्रवक्ता मनोज न्याैपनाले जानकारी दिए । भर्ना आवेदन परेको मध्य ४४ हजार भन्दा बढी पूर्व म्यादी रहेका छन् । २ नम्बर प्रदेशबाट ९५ हजार जनाको आवेदन परेको छ । पुरुष २ लाख ४० हजार भन्दा बढी छन् भने महिला ५३ हजार ५ सय ९४ जना छन् ।

प्रतिनिधिसभा र प्रदेशसभा चुनावका लागि देशभरबाट ९८ हजार २ सय ६८ जना माग गरेकाे छ । कात्तिक ५ गतेदेखि १० गतेसम्म आवेदन दिएकाहरुको छनौट प्रक्रिया हुनेछ । छनौटमा सफल भएकाहरुको कात्तिक १२ गतेदेखि २४ गतेसम्म प्रशिक्षण हुने प्रहरी प्रधान कार्यालयले जानकारी दिएकाे छ ।

“