‘युवा अघि नसरेसम्म देश विकास असम्भव’ अधिकारी

“

लण्डन, साउन १८ । बेलायत स्थित नेपाली काँग्रेसको भातृ सङ्गठन नेपाली काँग्रेस बेलायत जनसम्पर्क समितिको अधिवेशनमा युवा व्यवसायी विनय अधिकारीले आफ्नो उम्मेदवारी दिने भएका छन् । लामो समयदेखि बेलायतमा रहेर नेपाली काँग्रेसमा आबद्ध अधिकारीले उपाध्यक्ष पदका लागि उम्मेदवारी दिने भएका हुन् ।

अाउँदाे सेप्टेम्बर १६ मा हुन लागेकाे अधिवेशनमा  हुने अधिवेशनमा अधिकारीले अाफ्रनाे उम्मेद्रवारी समग्र प्रवासी नेपालीहरुका लागि भएको बताए । ‘मेरो उम्मेदवारी बेलायतमा रहेका सम्पूर्ण दाजुभाइ दिदिबहिनीहरुको हक हित र नेपालका लागि हो ।’ उनले भने । अधिकारीले प्रवासमा रहेर आफ्नो देशका लागि धेरै नेपालीहरूले योगदान गरेको स्मरण गर्दै नेपाल सरकारले प्रवासी नेपाली प्रति हेर्ने दृष्टिकोण अझै प्रस्ट नभएको र आफू विजयी भएको अवस्थामा सो विषयमा नेपाल सरकारसँग समेत आवाज बुलन्द गर्ने बताए । ‘देश विकासमा प्रवासी नेपालीले पु¥याएको योगदान महत्त्वपूर्ण छ । यसलाई बुलन्द पार्न जरुरी छ ।’ उनले भने । अधिकारीले विगतमा आफूले बेलायती प्रवासी नेपालीहरूलाई एक सूत्रमा बाध्न र हरेक समस्यामा साथ दिएको र अबका दिनमा देशलाई विकासको पथमा लैजान पनि राजनीतिक तवरबाट पहल गर्ने जिकिर गरे । ‘हामी प्रवासमा रहेरपनि आफ्नो देशको विकामा सदै चिन्तित छौँ । बेलायतको विकास र संरचनालाई हामीले हाम्रो देशमा प्रयोग गर्ने वतावरण बनाउन आवश्यक छ, त्यसका लागि राजनीतिक, सामाजिक, आर्थिक, सांस्कृतिक क्षेत्रबाट सबै जना लाग्नु पर्छ ।’ उनले भने ।

विद्यार्थी कालदेखि नै राजनीतिमा आबद्ध हुँदै आएका अधिकारीले नेपाली काँग्रेसका जन्मदाता बीपी कोइराला र गणेशमान सिंह जस्ता नेताहरूको योगदानलाई बिर्से इतिहासले धिक्कार्ने समेत बताए । ‘राष्ट्रियता, लोकतन्त्र र समाजवादमा विश्वास गर्दै समाजको विकास अघि बढ्नुपर्छ । त्यसैले २००७ सालमा प्रजातन्त्र प्राप्ति पछि पनि देशमा विकासको मुहान फुट्न सकेको छैन ।’ उनले भने ।

अब युवा नै अघि नसरे देश विकास असम्भव रहेको औल्याउँदै उनले उपाध्यक्ष पदका लागि आफ्नो उम्मेदवारी दिएको बताए । अधिकारी एक युवा व्यवसायी समेत हुन् । अधिकारी लामो समयदेखि बेलायतमा रहेर व्यावसायसँगै सामाजिक कार्यमा पनि सक्रिए छन् । उनले प्रवासी नेपालीहरूको हकहितका लागि आफ्नो उम्मेदवारी भएको बताएका छन् । उनको नेपाली काँग्रेसका केन्द्रीय तहका नेताहरुसँग निकट सम्बन्ध रहेको छ ।

“