सिंहदरबारमा आगो लगाउनेहरुले भ्रष्टाचारको अन्त्य गर्छु भन्नेकुरा सही होइनः बिजुक्छे

काठमाडौं । नेपाल मजदुर किसान पार्टीका अध्यक्ष नारायणमान बिजुक्छेले सिंहदरबारलगायतका देशका मुख्यमुख्य प्रशासनिक निकायहरुमा आगो लगाउने काम गलत भएको बताएका छन् ।

आईतवार काठमाडौंमा पार्टीको चुनावी घोषणा पत्र सार्वजनिक गर्दै उनले सो कुरा बताएका हुन् । अध्यक्ष विजुक्छेले मुलुकको मुख्यमुख्य स्थानहरुमा आगो लगाउने काम गरेर भ्रष्टाचारमुक्त गर्ने कुरा सही नभएको समेत बताए ।

उनले हरेकलाई योग्यता अनुसारको काम र दाम दिने कुराले मात्रै मुलुकलाई सही बाटोमा अघि बढाउने समेत बताए । ‘भ्रष्टाचारको विरोध गर्नु ठिक हो । तर सिंहदरवार जलाएर, राष्ट्रपति भवन र अरु सबै स्कुल, कलेजमा आगो लगाएर भ्रष्टाचार अन्त्य हुन्छ भन्ने सोचो होइन । योग्यता अनुसारको काम छैन । काम अनुसार ज्याला यहाँ छैन । त्यसैले हाम्रो भोटमा कमी आउँछ’ उनले भने ।

अध्यक्ष विजुक्छेले आफ्नो पार्टी सरकारमा नजाने अडान दोहो¥याउँदै संसदमार्फत देश र जनताको पक्षमा काम गर्न सरकारलाई दवाव दिने कामलाई तिब्रता दिने समेत बताए ।