बिहीबार सुनको मूल्यमा गिरावट, चाँदीको बढ्यो

काठमाडौं । नेपाली बजारमा बिहीबार सुनको मूल्य सामान्य घटेको छ । नेपाल सुनचाँदी व्यवसायी महासंघका अनुसार बिहीबार छापावाल सुन तोलामा सय रुपैयाँले घटेर ३ लाख ६ हजार ५ सय रुपैयाँ कायम भएको छ ।

अघिल्लो कारोबार दिन बुधबार छापावाल सुन तोलामा ३ लाख ६ हजार ६ सय रुपैयाँ कायम भएको थियो ।

यस्तै बिहीबार चाँदीको मूल्य भने बढेको छ । बुधबार तोलामा ५ हजार २९० रुपैयाँ कायम भएको चाँदीको मूल्य बिहीबार बढेर ५ हजार ३४० रुपैयाँ कायम भएको महासंघको भनाइ छ ।