राँचीको सडकमा धोनी र विराट कोहलीको अनौठो जुगलबन्दी
मकालु खबर
एजेन्सी । क्रिकेट मैदानमा त हामीले धोनी र विराटको शानदार समझदारी धेरैपटक देखिसकैका छौँ, तर राँचीको सडकमा देखिएको उनीहरूको यो जुगलबन्दीले फ्यानहरूको मन जितेको छ ।
सामाजिक सञ्जालमा एक भिडियो तीव्र गतिको साथ भाइरल भइरहेको छ, जसमा महेन्द्र सिंह धोनीले आफ्नै गाडी चलाउँदै विराट कोहलीलाई होटलसम्म पुर्याइदिएका छन् । धोनी आफ्नो ल्यान्ड रोभर रेंज रोभर चलाउँदै विराटलाई ड्रप गर्दै गरेको दृश्य देखिन्छ ।
हाल भारतीय क्रिकेट टिम राँचीमा छ र ३० नोभेम्बरमा दक्षिण अफ्रिकाविरुद्ध जेएससिए इन्टरनेशनल स्टेडियम कम्प्लेक्समा वनडे खेल खेलिनेछ । राँची धोनीको आफ्नै शहर भएकाले टिम आइपुग्नेबित्तिकै उनले केही खेलाडीहरूलाई घरमै डिनरका लागि निम्तो दिएका थिए । त्यही क्रममा विराट कोहली, ऋषभ पन्त र अन्य केही खेलाडी धोनीको घर पुगेका थिए ।
डिनरपछि धोनीले आफैँ ड्राइभ गरे
डिनर सकेपछि धोनीले आफैँ गाडी चलाइरहेका थिए भने छेउको सीटमा विराट बसेका थिए । भिडियो सार्वजनिक भएपछि फ्यानहरूले यसलाई रियुनियन अफ द इयर भन्दै खुबै मन पराइरहेका छन् ।
धोनीले जसमा विराटलाई छोड्न लगे, त्यो उनको लक्जरी ल्यान्ड रोभर रेंज रोभर हो । उत्कृष्ट लुक, शक्तिशाली इञ्जिन र अग्रसर टेक्नोलोजीका कारण यो गाडी निकै चर्चित छ । राँचीको सडकमा यो गाडी देखिएपछि सबैको नजर त्यतै अडिएको थियो । भारतमा यसको मूल्य २.३१ करोड रुपैयाँदेखि ४.६६ करोड रुपैयाँसम्म पर्छ ।
मकालु खबर
