डा.भोला रिजालले अवलोकन गरे काठमाडौं नेशनल मेडिकल कलेज (तस्बिरहरू)
मकालु खबर
काठमाडौं । डा.भोला रिजालले काठमाडौं नेशनल मेडिकल कलेजको अवलोकन गरेका छन् ।
डा.रिजालले काठमाडौँको घट्टेकुलो, अनामनगरमा रहेको काठमाडौं नेशनल मेडिकल कलेजको अवलोकन गरेका हुन् । काठमाडौं नेशनल मेडिकल कलेज भोली शुक्रबारदेखि औपचारिक रूपमा सञ्चालनमा आउँदै छ ।
काठमाडौं नेशनल मेडिकल कलेजको अवलोकन गर्दै डा.रिजालले काठमाडौँको मुटुमा सुविधासम्पन्न अस्पताल सञ्चालनमा आउनु आफैमा गौरवपूर्ण रहेको बताए ।
उनले अस्पतालको सञ्चालनको खबरले आफूलाई खुसी लागेको बताउँदै गुणस्तरीय सेवा दिन सुझावसहित शुभकामना व्यक्त गरे ।
डा.रिजाललाई कलेजका सञ्चालक बसरुद्दीन अन्सारीले स्वागत गरेका थिए । उनले डा.रिजाललाई अस्पतालको सेवाबारे जानकारी गराएका थिए ।
अन्सारीको नेतृत्वमा रहेको यो अस्पतालले बिरामीलाई गुणस्तरीय, सुलभ र विश्वासिलो सेवा दिने प्रतिबद्धता जनाएको छ ।
अन्सारीले यसअघि नेशनल मेडिकल कलेज २५ वर्षसम्म सञ्चालन गरेका थिए भने पछिल्ला चार वर्ष नेपाल मेडिकल कलेजको सञ्चालनमा संलग्न थिए । अब उनले काठमाडौँको केन्द्रमा नयाँ मेडिकल कलेजमार्फत सेवा विस्तार गर्न लागेका हुन् ।
मकालु खबर
