सरकारबाट बाहिरिने नागरिक उन्मुक्ति पार्टीको निर्णय
मकालु खबर
काठमाडौं । नागरिक उन्मुक्ति पार्टी (नाउपा)को शनिबार बसेको संसदीय दलको बैठकले सरकारबाट बाहिरिने निर्णय गरेको छ ।
पार्टीकी अध्यक्ष रन्जिता श्रेष्ठले सरकारबाट बाहिरिने निर्णयको पुष्टि गरिन् । ‘आज हामी संसदीय दलको बैठक बसेका थियौं र त्यसमा हामीले सरकारबाट बाहिरिने र प्रतिपक्षमा बस्ने निर्णय गरेका छौं,’ अध्यक्ष श्रेष्ठले भनिन् ।
नागरिक उन्मुक्ति पार्टी अहिले संघीय सरकारको हिस्सा रहेको भएपनि, पार्टीका सांसद अरुण चौधरी संस्कृति, पर्यटन र राज्यमन्त्रीको रूपमा कार्यरत छन् । पार्टीको निर्णय अनुसार चौधरी पनि भोलि प्रधानमन्त्रीलाई राजीनामा बुझाउने तयारीमा छन् ।
‘उहाँले पनि भोलि नै राजीनामा बुझाउनुहुन्छ,’ श्रेष्ठले थपिन् ‘हामी सदनलाई पनि भोलि जानकारी गराउनेछौं ।’
नागरिक उन्मुक्ति पार्टीको सरकारबाट बाहिरिने निर्णय गरेसँगै नयाँ राजनीतिक समीकरण बन्ने चर्चा समेत छ ।
मकालु खबर
