हर्क साम्पाङ लेख्छन्- हामीले पनि टिस्टा-काँगडा समेटेर ‘अखण्ड नेपाल’ भन्दै नक्सा बनाऔँ

काठमाडौँ । ‘अखण्ड भारत’मा लुम्बिनी र कपिलवस्तु नाम भएका स्थान राखिएको एउटा भित्तेचित्र हालै उद्घाटित भारतको संसद् भवनमा राखिएपछि नेपालमा त्यसलाई लिएर विरोध भइरहेको छ । लुम्बिनी र कपिलवस्तुमाथि अन्य कुनै देशले दाबी गर्न नमिल्ने प्रतिक्रिया उनीहरूको छ ।

यहीबीच सामाजिक सञ्जालमा सक्रिय धरान उपमहानगरपालिकाका मेयर हर्क साम्पाङले नेपालले पनि ‘अखण्ड नेपाल’ भन्दै नयाँ नक्सा सार्वजनिक गर्नुपर्ने बताएका छन् । ‘अब हामीले पनि अखण्ड नेपाल भन्दै टिस्टा र काँगडासम्मको भूभाग समेटेर नक्सा सार्वजनिक गर्नुपर्छ,’ हर्क साम्पाङको टिप्पणी छ ।

अब नेपालले पनि अखण्ड नेपाल भन्दै टिष्टा र काँगडा सम्मको नक्सा बनाएर सार्बजनिक गर्नु पर्छ ! ढोइट भन्दै अघि बढ्दै ! pic.twitter.com/mxI2wQDbJB

— Harka Sampang A Revolution (@mayor_harka) May 31, 2023