पाकिस्तान : पूर्वप्रधानमन्त्री इमरान खानकाे हत्या हुनसक्ने हल्ला, इस्लामाबाद प्रहरी ‘हाइ अलर्ट’मा

एजेन्सी । पाकिस्तानमा त्यहाँका पूर्वप्रधानमन्त्री इमरान खानको हत्या हुनसक्ने हल्ला चलेकाे छ । यसपछि इस्लामाबाद प्रहरीले ‘हाइ अलर्ट’ जारी गरेको हिन्दुस्तान टाइम्सले जनाएकाे छ । इमरानकाे सार्वजनिक भेटघाटलाई समेत प्रतिबन्ध लगाइएकाे छ ।

इमरानकाे हत्या हुनेसक्ने हल्ला फैलिएसँगै उनका भतिजा हसन नियाजीले इमरानमाथि कुनै किसिमको हमला हुनु सिङ्गो पाकिस्तानमाथि हमला हुनु भन्ने प्रतिक्रियासमेत दिएका छन् ।

इमरान नेतृत्वको सरकारमा मन्त्रीसमेत रहेका फवाद चौधरीले हालैमात्र देशको सेक्युरेटी एजेन्सीले इमरानको हत्या गर्ने प्रयास गरिरहेको दाबीसमेत गरेका थिए ।