मोबाइल, मोटरसाइकलदेखि मदिरा र ताससम्म नेपाल भित्र्याउन बन्देज (सूचीसहित)

काठमाडौँ । सरकारले विभिन्न १० प्रकारका सामानहरु नेपाल भित्र्याउने रोक लगाएको छ । उद्योग वाणिज्य तथा आपूर्ति मन्त्रालयले विलासी उपभोग्य सामान नेपाल भित्र्याउन रोक लगाएको हो ।

मन्त्रालयले नेपाल राजपत्रमा नेपाल भित्र्याउन बन्देज गरिएका सामानहरुको विवरणसमेत प्रकाशित गरेको छ । उल्लेखित सामानहरु असार मसान्तसम्मका लागि आयातमा रोक लगाइएको हो ।

यी हुन् बन्देज गरिएका सामान :-

• कुरकुरे, कुरमुरे, लेज र यस्तै उत्पादनहरु
• सबै प्रकारका तयारी मदिरा
• चुरोट तथा सुर्तीजन्य बस्तु (कच्चा पदार्थ ल्याउन भने छुट छ)
• हिरा (औद्योगिक कच्चा पदार्थ ल्याउन छुट छ)
• मोबाइल सेट
• रंगीन टेलिभिजन (३२ इञ्चभन्दा माथिका)
• जीप, कार र भ्यानहरु (एम्बुलेन्स र शववाहन प्रयोजनका लागि ल्याउन पाइने)
• २५० सीसी भन्दा माथिल्लो क्षमताका मोटरसाइकल
• सबै प्रकारका खेलौनाहरु
• खेल्ने तास

राजपत्रअनुसार २०७९ वैशाख १३ गतेभन्दा अगाडि बुकिङ माध्यमबाट आयातको प्रक्रिया भएको हकमा यो व्यवस्था लागू हुँदैन । त्यस्तै, नेपालस्थित कूटनीतिक नियोगले आफ्नो प्रयोजनका लागि यी वस्तुहरु आयात गर्न सक्ने जनाइएको छ ।