नेपाललाई १२२ रनको लक्ष्य, करण र सन्दीपले लिए ४-४ विकेट
मकालु खबर
२०७८ असोज ३ गते
काठमाडौँ । आईसीसी विश्व क्रिकेट लिग डिभिजन टूमा ओमानले नेपाललाई १२२ रनको लक्ष्य दिएको छ । टस हारेर पहिले ब्याटिङ गरेको ओमान ३८ औँ ओभरमा १२१ रनमा अल आउट भएको हो ।
नेपालका लागि करण केशी र सन्दीप लामिछानले चार चार तथा शरद भेषावकरले २ विकेट लिए । ओपनर बलर करणले शुरुदेखि नै विकेट लिन थालेपछि ओमान दबाबमा परेको थियो ।
करणले ८ ओभर बलिङ गर्दै २५ रन दिए । यस्तै ८ ओभर १ बल बलिङ गरेका सन्दीपले १९ रन मात्र खर्चिए । शरदले ६ ओभरमा १९ रन दिए ।
१८ रन बनाउँदा पहिलो विकेट गुमाएको ओमानले ३० रन हुँदा दोस्रो र तेस्रो विकेट गुमाएको थियो । त्यस्तै ३७, ४३, ६४, ८६, १०६ र १२१ रनमा विकेट गुमाएको थियो । ओमानका सात खेलाडीले दोहोरो अंकमा रन जोड्न सकेनन् ।
ओमानका कप्तान जिसन मक्सूदले बनाएको ४१ रन सर्बाधिक रह्यो ।
मकालु खबर
२०७८ असोज ३ गते
प्रतिक्रिया
सम्बन्धित