ब्लग के हो, यसबाट पैसा कसरी कमाउने ?

• कमल धिताल

काठमाडौं । के तपाईँ आफ्नो लेखलाई घर बसी–बसी कमाउने माध्यम बनाउन चाहनुहुन्छ ? त्यो पनि लाखौंमा ! त्यसो भए आजैबाट लेख्न थाल्नुहोस् । अनलाइनका माध्यमबाट तपाईं आफ्नो लेखलाई नगदमा परिणत गर्न सक्नुहुन्छ ।

इन्टरनेटको पहुँच, फेसबूक, ट्वीटरजस्ता सामाजिक सञ्जालले पाठकसम्म लेख पुग्ने सहजता तथा गूगल एड्सेन्लगायतका विज्ञापनदातासँग सहजै जोडिन सकिने कारणले लेखबाट घर बसी–बसी सजिलै कमाउन सकिने भएको हो ।

त्यसो भए ब्लग के हो ?
वास्तवमा कागज पानामा अनलाइन लेख्ने डायरी एउटा ब्लग हो । जसमा, हाम्रो समाजका गतिविधिहरू र विचारहरू र विचार व्यक्त हुन्छन् । जुन इन्टरनेटमा विश्वका विभिन्न भागहरूमार्फत् देखा पर्दछ । जहाँ, सल्लाह र प्रतिक्रिया विश्वका सबै ठाउँबाट साझा गर्न सकिन्छ । यसैले, त्यहाँ वेब माध्यममा एक डायरी लेखिएको छ, यसलाई वेब (ब्लग) भनिन्छ, जुन छोटो ब्लग हो ।
सबै चिज परिवर्तन हुँदैछ, समयको चक्रमा सबै परिवर्तन हुँदैछ । इन्टरनेटमा पनि यही लागू हुन्छ । प्रारम्भिक पश्चिमी देशहरूमा बढ्दो परिष्कृत इन्टर्नेट टेक्नोलोजी र द्रुत अनलाइन व्यापारका कारण, व्यवसाय व्यवसायको प्रवर्द्धनका लागि विभिन्न वेबसाइट र ब्लगहरू सिर्जना गरिएका छन् र विभिन्न अनलाइन विज्ञापन एजेन्सीहरू र अनलाइन रोजगार एजेन्सीहरूको स्थापना भएको छ ।

ब्लग कसरी बनाउने ?
यसका लागि शुरुमा गूगलको ब्लगर, वर्डप्रेसजस्ता निशुल्क साइटमा एकाउन्ट बनाउनुपर्छ । जस्तै मैले यो मेरो ब्लगको ब्लगर साइटमा बनाएको हो र यो ब्लग वर्डप्रेसको साइटमा बनाएको हो । जुन, यहाँले हेरेर आफ्नो पनि सोही अनुसार बनाउन सक्नुहुन्छ । त्यसपछि त्यहाँ आफ्नो चाहनाअनुसारको ब्लग डिजाइन गर्नुपर्छ र लेख्न थाल्नुपर्छ । कमाउनका निम्ति आफूले धेरै भन्दा धेरै पाठक भने तान्न सक्नुपर्छ । किनभने जति धेरै पाठकले आफ्नो लेख पढ्छन् उति नै पटक आफ्नो ब्लगमा आएको विज्ञापन हेर्छन् र आफूले उत्तिकै धेरै कमाउन सकिन्छ । त्यसैले पाठकले रुचाउने लेख लेख्नेतर्फ ध्यान दिनुपर्छ ।

भाषा
सकेसम्म अन्तर्राष्ट्रिय रूपमा प्रचलित भाषा प्रयोग गर्नुपर्छ । एड्सेन्सजस्तै अन्य केही विज्ञापनदाताले सबै भाषा सपोर्ट गर्छन्, तर प्रचलित विज्ञापनदाताहरू जस्तै गूगलको एड्सेन्स तथा माइक्रोसफ्ट अनि याहुले सञ्चालन गरेका एड् नेटवर्कहरूले भने नेपाली भाषालाई सपोर्ट नगर्ने हुँदा आफूले कमाउने रकम घट्न सक्छ । त्यसैले सकेसम्म अंग्रेजी वा अरू कुनै प्रचलित भाषा प्रयोग गरेर आम्दानी बढाउन सकिन्छ । तर यदि नेपाली मा ब्लग लेख्नुहुन्छ भने फेसबूके इन्स्टन्ट अर्टिकलले नेपाली भाषा स्वीकार गर्छ ।

पैसा कसरी कमाउन सकिन्छ त ?
तपाईंले अब ब्लग कुन भाषामा लेख्नुभएको छ त्यसमा भर पर्छ । यदि तपाईँले अङ्ग्रेजी भाषा छ भने एड्सेन्स तपाईंलाई राम्रो विकल्प हुन सक्छ । नेपाली भाषा छ भने फेसबूकको इन्स्टन्ट आर्टिकल अर्को आम्दानी को स्रोत हुन सक्छ ।