भरतपुर महानगरपालिकाको वडा कार्यालयमा बम विस्फोट

चितवन, २९ फाल्गुन । भरतपुर महानगरपालिका वडा नम्बर ५ को कार्यालय भवनमा बम विष्फोट भएको छ । गएराति अज्ञात समूहले वडा कार्यालयको भवनमा सिलिन्डर बम विस्फोट गराएको प्रहरीले जनाएको छ । 

विस्फोट गराउनेको खोजी भइरहेको जिल्ला प्रहरी कार्यालय चितवनका प्रहरी उपरीक्षक सुशीलसिंह राठौरले जानकारी दिए । विस्फोटपछि भवन चर्किएको छ भने कार्यालयमा आगलागी भएको छ । 

null

विस्फोटको घटनामा सरकारले हिजो मात्रै प्रतिबन्ध लगाउने निर्णय गरेको विप्लव नेतृत्वको नेकपाको हात रहेको आशंका सुरक्षा अधिकारीहरुले गरेका छन् । घटनाको जिम्मेवारी कसैले लिएको छैन ।