‘म जति एक्ली छु, त्यति नै आत्मनिर्भर पनि’

केटाको आमालाई म पुरुषजस्ताे लागेपछि मेरो जिन्दगीको पहिलो सम्बन्ध र विवाह टुट्यो ।  

उनीहरु मेरो ताैल अनुसार गहना पनि चाहन्थे ।  

यो मेरो लागि दुःखद् थियो किनकी मैँले विवाहअघि नै आफ्नो हुनेवाला पतिसँग भावनात्मक सम्बन्ध बनाइसकेकी थिएँ । यसबाट निस्कन मलाई निकै समय लाग्यो ।  

केही वर्षपछि मेरो मित्रता एक नयाँ व्यक्तिसँग भयो । जसको आग्रहमा म नोकरी गर्न आफ्नो शहरबाट दिल्ली आएकी थिएँ । मेराे नयाँ मित्रले मलाई हरेक किसिमले विश्वास दिलायो कि ऊ मलाई मन पराउँछ । र म जस्तो छु, उसका लागि ठीक छु ।  

उसका ती कुराले मेरो मन जित्यो । ऊ मसँग विवाह गर्न चाहन्थ्यो ।  

यही भनेर उसले मलाई पहिलो सम्बन्ध बनाउनका लागि तयार गर्यो कि ऊ तुरुन्तै मसँग विवाह गर्नेछ । म उसको इशारामा चलिरहेँ ।  

विस्तारै विस्तारै मलाई उसको व्यवहार फरक महशुष हुन थाल्यो । विवाहको कुरा टर्दे गयो र उसको व्यवहार कटु हुँदै गयो । ऊ मलाई धोखा दिँदै थियो । यो महशुष हुने समयसम्म मैँले दुई पटक गर्भपतन गरिसकेकी थिएँ ।  

उसको म बाहेक कयौँ महिलासँग सम्बन्ध थियो । मेरो लागि यो घटना पहिलेभन्दा ज्यादै ठुलो थियो ।  

म डिप्रेशनमा पुगेँ ।  

विस्तारै हिम्मत जुटाएँ र ऊविरुद्ध एफआईआर गराएँ ।  

यो सबै मेरा लागि निकै मुश्किल थियो तर मलाई जिउनु थियो ।  

म खुशी छु कि मैँले हिम्मत हारिनँ र परिस्थितिसँग लडेँ ।  

म जति एक्लो छु, त्योभन्दा बढी आत्मनिर्भर पनि…!