तिमी महान छौ, हिरो छौ ‘मेस्सी’
मकालु खबर
“
कविता : ‘मेस्सी’
तिमीलाई हेर्दा, अनि तिमीले गोल हान्दा
मेरो मनमा खुसीको सीमा रहन्न ।
बलसँगै दौडिएर
जब तिमी विपक्षीको गोल पोस्ट नजिक पुग्छौ ।
तिमीले सुन्ने गरी
‘मेस्सी’ भन्दै कराउँछु ।
बलसँगको त्यो तिम्रो कला
एकनास हेरिरहन मन लाग्छ ।
अद्भुत लाग्छ ।
प्रिय लाग्छ ।
तिम्रो त्यो कला हेरेर कहिल्यै अघाउदीन
मेरो दुई आँखा कहिल्यै थाक्दैन ।
तिम्रो खेल हेरेर ।
फिल्डमा दौडिरहदा,
मेरो आँखा तिम्रो खुट्टाको
पछि पछि दौडिरहेको हुन्छ ।
जब तिमी हरियो मैदानमा
बल दौडाई रहेको हुन्छौ ।
तब म मेरो मनमा चित्र कोर्न थाल्छु।
तिमीले दौडेको बल र तिम्रो खुट्टाको
अनि सजाईरहन्छु ।
मनको क्यानभासमा ।
कहिल्यै फुटबल नखेल्ने मान्छे म
तर तिम्रो खेल हेर्दाहेर्दै
मलाई पनि एउटा फुपटबलर बनायौ
मनले खेल्ने फुटबलर ।
तिमीसँगै थुप्रै उपाधिहरु जितेको छु ।
धरै सिल्डहरु जम्मा गरेको छु ।
तिमीसँगै खुसी मनाएको छु ।
तिमीसँगै पीडा पनि साटेको छु।
तिम्रा हारका पिडाहरू
सबै मैले महसुस गरेको छु ।
छट्पटाएको छु ।
रोएको छु ।
कहिलेकाहि हारे पनि
तिमीले संसारका
फुटबल प्रेमीहरूको
मन जितेका छौ ।
आज देखी।।
तिम्रो विश्वकपको यात्रा सुरु भएको
मलाई विश्वास छ ।
तिमीले नै
जित्ने छौ यो विश्वकपको ‘उपाधि’ !
तिमी हार्ने छैनौ
तिमीले सधैँ जितेको हेर्न चाहन्छु ।
तिमीलाई जितको अनेकौ शुभकामना छ ।
मेरो हिरो
मेरो महान् खेलाडी ‘मेस्सी’
“
मकालु खबर
