गुल्मीमा युवकको शव फेला

“

गुल्मी, जेठ ११ । गुल्मीमा एक युवकको शव फेला परेको छ ।

छत्रकोट गाउँपालिका ३ हर्दिनेटा घर भएका ३५ वर्षे प्रकाश खत्रीको शव फेला परेको जिल्ला प्रहरी कार्यालय गुल्मीका प्रहरी उपरीक्षक अनुराग द्धिबेदीले जानकारी दिएका छन् ।

बिहीबार घरबाट आफूखुसी हिँडेका खत्रीको शुक्रबार घरभन्दा पाँच सय मिटर टाढा जंगलमा शव भेटिएको हो ।

स्थानीयले शव देखेपछि प्रहरीलाई खबर गरेका थिए ।

घटनाबारे थप अनुसन्धान भइरहेको प्रहरी जनाएको छ ।

मृत खत्रीको शवलाई पोष्टमार्टमको लागि जिल्ला सदरमुकाम तम्घास लिइने प्रहरीको भनाइ छ ।

“