दुई मोटरसाइकल एक आपसमा ठोक्किँयो, बसले किच्दा चालकको मृत्यु
मकालु खबर
फाइल फाेटाे
२१ फागुन, जनकपुरधाम । बुधबार दिउँसो सिराहामा दुई वटा मोटरसाइकल एक आपसमा ठोक्किँए लगतै बसले किच्दा घटनास्थलमै एक मोटरसाइकल चालकको मृत्यु भएको छ ।
प्रहरीका अनुसार पूर्वपश्चिम् राजमार्ग अन्तर्गत गोलबजार- ४ स्थित सडक खण्डमा को ३३ प २०९८ नम्बरको मोटरसाइकल र बा ३१ प ५८८३ नम्बरको मोटरसाइकल एक आपसमा ठोक्किँए लगतै ना ४ ख ४२६५ नम्बरको बसले किच्दा मोटरसाइकल चालकको मृत्यु भएको हो ।
मृत्यु हुनेमा जिल्ला सिरहा लहान नगरपालिका १९ बस्ने वर्ष २६ का को ३३ प २०९८ नम्बरको मोटरसाइकल चालक मोहमद लुतफुर रहमान रहेको प्रहरीले जनाएको छ ।
दुर्घटनामा परि बा ३१ प ५८८३ को मोटरसाइकल चालक उदयपुरको त्रियुगा नगरपालिका९१४ बस्ने वर्ष २६ को आरजु राई समेत घाइते भएकी र उनको उपचार भुमिजा अस्पताल गोलबजारमा भइरहेको प्रहरीले जनाएको छ ।
प्रहरीका अनुसार ठक्कर दिने बस र राजविराज नगरपालिका९९ बस्ने ४२ वर्षीय बसका चालक ब्रहमदेव रजकलाई नियन्त्रणमा लिई आवश्यक अनुसन्धान भइरहेको छ ।
मकालु खबर
