काठमाडौँमा ट्रिपर दुर्घटना, दुईको मृत्यु

पुस ११, काठमाडौँ । शुक्रबार काठमाडौँमा  ट्रिपर दुर्घटना हुँदा दुई जनाको मृत्यु भएको छ ।   

काठमाडौंबाट फोहोर बोकेर  नुवाकोटको सिसडोल जाँदै गरेको उक्त ट्रिपर तारकेश्वर नगरपालिकास्थित जितपुरको कोट गाउँमा दुर्घटना भएको हो ।   

ना २ क ३३८ नम्बरको सो ट्रिपर दुर्घटना हुँदा चालक माइला तामाङ र सह चालक कमल तामाङ को मृत्यु भएको प्रहरीले जनाएको छ ।   

महानगरीय प्रहरी वृत बालाजुका अनुसार ‘क्लिन नेपाल’ नामक कम्पनीको फोहोर ढुवानी गर्दै आएको उक्त ट्रिपर  अति तीब्र गतिमा रहेको कारण  सडकबाट ५० मिटर तल आलुबारीमा खसेर दुर्घटना हुन पुगेको हो ।   

घटनाबारे अनुसन्धान भईरहेको वृतका प्रमुख रन्जित सिंह राठौरले जानकारी दिए ।