टस जितेर भारतविरुद्ध ब्याटिङ गर्दै इंग्ल्याण्ड

असार १५, काठमाडौं । आईसीसी एकदिवसीय विश्वकप क्रिकेट अन्तर्गत आइतबारको खेलमा इंग्ल्याण्डले टस जितेर ब्याटिङ रोजेको छ । 

भारतविरुद्धको खेलमा इंग्ल्याण्डले ब्याटिङ रोजेको हो । 

null

सुरुवाती ५ मध्ये ४ खेलमा जित हासिल गरेको इंग्ल्याण्डले पछिल्ला २ खेलमा श्रीलंका र अष्ट्रेलियासँग हार व्यहोरेपछि सेमीफाइनल पुग्न आज र बाँकी अर्को खेल जित्नैपर्ने दबाब छ । 

भारतीय टोलीका एक खेलाडी परिवर्तन गरिएको छ । विजय शंकरको स्थानमा बायाँ हाते ब्याट्सम्यान रिसभ पन्तलाई टोलीमा समावेश गरिएको छ । 

भारतले आजको खेलमा जित निकाले सेमिफाइनलमा प्रवेश गर्नेछ । भारतले दक्षिण अफ्रिका, अफगानिस्तान, पाकिस्तान, अष्ट्रेलिया र वेष्ट इण्डिजलाई पराजित गरेको थियो भने न्यूजिल्याण्डविरुद्धको खेल वर्षाका कारण रद्द भएको थियो । 

भारत ६ खेलबाट ११ अंक सहित तालिकाको दोस्रो स्थानमा छ । ईङल्याण्ड ७ खेलबाट ८ अंक सहित तालिकाको पाँचौ स्थानमा छ ।