सरकारले गैर उत्पादनशील क्षेत्रमा जथाभावी खर्च गर्यो: पूर्व अर्थमन्त्री महत

असोज १, काठमाडौं । पूर्व अर्थमन्त्री डा. रामशरण महतले विकासको सम्भावनाको सबैभन्दा ठुलो क्षेत्र नै जलविद्युत रहेको बताएका छन् ।   

बुधबार आयोजित जलविद्युत आयोजनाहरुको अवस्था र लगानी मैत्री वातावरण विषयक अन्तक्र्रिया कार्यक्रममा बोल्दै डा. महतले यस्तो बताएका हुन् । सम्भावना प्रशस्त भएतापनि लगानी निकै कम भएको उनको भनाइ छ ।   

कार्यक्रममा उनले सरकारले निजी क्षेत्रलाई बोलीमा मात्रै नभइ व्यवहारमै प्रोत्साहन गर्नुपर्ने बताए । उनले भने, ‘जलविद्युत क्षेत्रलाई अनावश्यक रुपले हस्तक्षेप गर्ने, निजी लगानी क्षेत्रलाई हतोत्साहित पार्ने खालका प्रस्ताव संसदमा आइरहेको सुनेको छु । सरकारले निजी लगानी क्षेत्रलाई हतोत्साहित पार्ने होइन, प्रोत्साहन दिनुपर्छ । ब्याजरमा सहुलियत दिनुपर्छ । यसले देशको चौथर्फी विकासमा मद्दत पुग्छ ।’ 

तीन तहको सरकारको हरेक तहमा वित्तिय वेथिति रहेको भन्दै उनले सरकारले गैर उत्पादनशील क्षेत्र तथा उपभोगमा जथाभावी खर्च गरिरहेको पनि आरोप लगाए । निजी क्षेत्रले कानून विपरित काम गरे कारवाही हुनुपर्ने पनि उनले स्पष्ट पारे ।