पीपीएल क्रिकेट : काठमाडौं गोल्डेनलाई चितवनले दियो १ सय ६८ रनको लक्ष्य

पुष ८, पोखरा ।  पोखरा प्रिमियर लिग (पिपिएल) टी ट्वान्टी क्रिकेटमा चितवन राइनोजले काठमाडौं गोल्डेन वारियर्सलाई १ सय ६८ रनको लक्ष्य दिएको छ। 

पोखरा रंगशाला क्रिकेट मैदानमा टस जितेर काठमाडौंले फिल्डिङ रोजेपछि ब्याटिङ गरेको चितवनले पूरा २० ओभर खेल्दै ४ विकेट जाँदा १ सय ६७ रन बनाएको हो।   

ओपनर रोहन मुस्तफाले ५२ बलमा अविजित ५९ रन बनाए। उनले ६ चौका १ छक्का हाने।   

बाबर हयातले ४७ बलमा ७० रन बनाए। उनले ३ चौका ६ छक्का हानेका थिए। उनले मुस्तफासँग १ सय १९ रनको साझेदारी गरेका थिए। आरिफ शेखले ९ बलमा १ छक्कासहित १५ रन बनाए। शन्नि पटेलले ८ बलमा १५ रन बनाए। 

काठमाडौंका सुशन भारी, अमर सिंह रौटेला र बसन्त रेग्मीले एक–एक विकेट लिएमा छन् ।