किन BAW Brumby को रियर-ह्विल-ड्राइभ प्रविधि काठमाडौंका साँघुरा सडकका लागि विशेष छ ?

काठमाडौँ । बेइजिङ अटो वर्क्स (BAW) ले अब नेपालमा शहरी विद्युतीय यातायातको नयाँ पुस्ताको अनुभव BAW E7 Pro मार्फत ल्याउने तयारी गरिरहेको छ ।

नेपालमा विद्युतीय सवारीसाधनको लोकप्रियता तीव्र रूपमा बढिरहेको छ । इन्धनको बढ्दो मूल्य, वातावरणीय सचेतना, कम सञ्चालन खर्च तथा सरकारी प्रोत्साहनका कारण धेरै नेपाली उपभोक्ताहरू विद्युतीय सवारीतर्फ आकर्षित भइरहेका छन् । तर EV खरिद गर्दा अधिकांश ग्राहकले ब्याट्री क्षमता, एक पटक चार्जमा चल्ने दूरी, चार्जिङ समय वा मूल्यलाई मात्र प्राथमिकता दिने गर्छन् । जबकि समग्र ड्राइभिङ अनुभव निर्धारण गर्ने सबैभन्दा महत्वपूर्ण पक्षमध्ये एक भनेको सवारीको ड्राइभ प्रणाली हो ।

यही कारणले बेइजिङ अटो वर्क्सद्वारा विकसित BAW Brumby ले नेपालको बढ्दो EV बजारमा आफ्नै विशिष्ट पहिचान बनाउन सफल भएको कम्पनीले दाबी गरेको छ ।

कम्पनीका अनुसार यसको सबैभन्दा विशेष पक्ष भनेको रियर-ह्विल-ड्राइभ प्रणाली हो, जुन यस मूल्य वर्गका कम्प्याक्ट विद्युतीय सवारीहरूमा विरलै पाइन्छ ।

सात दशकभन्दा बढीको अटोमोबाइल इतिहास

बेइजिङ अटो वर्क्स चीनका सबैभन्दा पुराना अटोमोबाइल उत्पादकमध्ये एक हो । सन् १९५१ मा स्थापना भएको यस कम्पनीले चीनको आधुनिक अटोमोबाइल उद्योगको विकासमा महत्वपूर्ण योगदान दिएको छ ।

सुरुआती चरणमा BAW ले सैनिक तथा सरकारी सवारी उत्पादन गरेर विशेष पहिचान बनाएको थियो । विशेषगरी BJ 212  अफ-रोड गाडी कम्पनीको सबैभन्दा चर्चित मोडेलमध्ये एक मानिन्छ । कठिन भौगोलिक अवस्था र चुनौतीपूर्ण सडकमा चल्न सक्ने बलियो सवारी निर्माणको दशकौं लामो अनुभवले लाई मजबुत इन्जिनियरिङ र विश्वसनीयताको प्रतीक बनाएको छ ।

रियर-ह्विल-ड्राइभ किन महत्वपूर्ण छ ?

कम्पनीका अनुसार धेरैजसो कम्प्याक्ट कारहरूमा फ्रन्ट-ह्विल-ड्राइभ प्रणाली प्रयोग गरिन्छ, जहाँ अगाडिका पाङ्ग्राले स्टेयरिङ र शक्ति दुवैको जिम्मेवारी वहन गर्छन् ।

तर BAW Brumby मा भने रियर-ह्विल-ड्राइभ प्रणाली अपनाइएको छ, जहाँ शक्ति पछाडिका पाङ्ग्रामा पुग्छ भने अगाडिका पाङ्ग्रा केवल स्टेयरिङका लागि प्रयोग हुन्छन् ।

पहिलो, यसले गाडीको तौल सन्तुलित रूपमा वितरण हुने भएकाले मोडमा गाडी बढी स्थिर र सन्तुलित हुन्छ ।

दोस्रो, उकालो सडकमा गाडीको ग्रिप अझ राम्रो हुन्छ । काठमाडौं, भक्तपुर, ललितपुर, पोखरा तथा धरानजस्ता धेरै उकालो भएका शहरहरूमा पछाडिका पाङ्ग्राबाट शक्ति प्रवाह हुँदा गाडीलाई उकालोमा सहज रूपमा अघि बढाउन मद्दत मिल्छ ।

तेस्रो, अगाडिका पाङ्ग्राले केवल स्टेयरिङको काम गर्ने भएकाले स्टेयरिङ हलुका, सहज र बढी उत्तरदायी महसुस हुने बताइएको छ ।

चौथो, थप यात्रु वा सामान बोकेको अवस्थामा पनि गाडीको सन्तुलन राम्रो रहने भएकाले दैनिक पारिवारिक प्रयोग, कार्यालय आवतजावत तथा हल्का व्यावसायिक प्रयोजनका लागि पनि यो उपयुक्त हुने बताइएको छ ।

नेपालको शहरी तथा अर्धशहरी सडकलाई ध्यानमा राखेर डिजाइन

काठमाडौं उपत्यकाको सडक संरचना विश्वका धेरै आधुनिक शहरभन्दा फरक छ । साँघुरा सडक, अत्यधिक ट्राफिक जाम, तीखा मोड, उकालो–ओरालो तथा सीमित पार्किङ स्थानका कारण यहाँका लागि कम्प्याक्ट, चुस्त तथा सहज रूपमा सञ्चालन गर्न सकिने सवारी आवश्यक हुन्छ ।

Brumby को सानो आकार र रियर-ह्विल-ड्राइभ प्रणालीको संयोजनले यसलाई यस्ता सडकका लागि निकै उपयुक्त बनाएको छ । यसको सानो टर्निङ रेडियस, सहज पार्किङ, कम सञ्चालन खर्च तथा विद्युतीय मोटरबाट प्राप्त हुने तुरुन्तै टर्कले दैनिक शहरी यात्रा अझ सरल बनाउँने बताइएको छ ।

नेपालमा करिब २० लाख रुपैयाँ मूल्य वर्गका विद्युतीय सवारीमध्ये रियर-ह्विल-ड्राइभ प्लेटफर्म उपलब्ध गराउने अत्यन्तै थोरै मोडेलमध्ये Brumby एक हो, जसले यसलाई आफ्नो वर्गमा विशेष बनाएको छ ।

BAW Brumby  का सेल्स हेड सुमन बज्राचार्यका अनुसार आज विद्युतीय सवारी छनोट गर्नु भनेको केवल मूल्य वा ड्राइभिङ रेन्ज हेर्ने विषय मात्र होइन ।

उनी भन्छन् ‘BAW Brumby  को रियर-ह्विल-ड्राइभ प्रणालीले नेपालको शहरी सडकको वास्तविक आवश्यकतालाई ध्यानमा राखेर सन्तुलित, सुरक्षित र आत्मविश्वासपूर्ण ड्राइभिङ अनुभव प्रदान गर्छ। काठमाडौंलगायत प्रमुख शहरका साँघुरा सडक, उकालो र भारी ट्राफिकलाई ध्यानमा राख्दा यही प्रविधि Brumby लाई आफ्नै वर्गमा फरक बनाउने मुख्य विशेषता हो।’

उनका अनुसार BAW ले सात दशकभन्दा बढीको अटोमोबाइल निर्माण अनुभवलाई आधुनिक विद्युतीय सवारी प्रविधिसँग संयोजन गर्दै आजका उपभोक्ताका लागि व्यावहारिक तथा भरपर्दो EV विकास गरेको छ ।

उनी थप भन्छन् ‘नेपाली ग्राहकबाट प्राप्त उत्साहजनक प्रतिक्रियाले हामीलाई थप प्रेरणा दिएको छ । Brumby को सफलतालाई निरन्तरता दिँदै अब हामी BAW E7 Pro ल्याउने तयारीमा छौं, जसमा आधुनिक डिजाइन, थप आरामदायी इन्टेरियर, स्मार्ट प्रविधि तथा अझ उत्कृष्ट शहरी ड्राइभिङ अनुभव उपलब्ध हुनेछ ।’

ग्राहकको सकारात्मक अनुभव

काठमाडौंका Brumby प्रयोगकर्ता रमेश अधिकारी आफ्नो अनुभव सुनाउँदै भन्छन् ‘सुरुमा मलाई कम्प्याक्ट  EV ले उकालोमा राम्रो प्रदर्शन गर्छ कि गर्दैन भन्ने शंका थियो । तर Brumby चलाएपछि धापासीदेखि बुढानीलकण्ठसम्मको उकालो सडकमा यसको क्षमता निकै प्रभावशाली लाग्यो। यसको रियर-ह्विल-ड्राइभ प्रणालीले साँच्चिकै फरक अनुभव दिन्छ।’

त्यसैगरी, बुटवलमा कृषि व्यवसाय सञ्चालन गर्दै पाल्पा–बुटवल नियमित आवतजावत गर्ने कृषि उद्यमी रमेश रोकाया भन्छन् ‘मेरो कामका कारण महिनाभरि पाल्पादेखि बुटवल र शहरभित्र नियमित यात्रा गर्नुपर्छ । Brumby पार्क गर्न सजिलो छ, साँघुरा सडकमा सहजै चल्छ र उकालो तथा हिलो सडकमा पनि निकै सन्तुलित महसुस हुन्छ ।’

उनी थप भन्छन् ‘को सञ्चालन खर्च अत्यन्तै कम छ । तर मलाई सबैभन्दा मन पर्ने कुरा यसको ड्राइभिङ अनुभव हो । सानो आकारको गाडी भए पनि यो निकै स्थिर, आत्मविश्वासपूर्ण र चलाउन रमाइलो लाग्छ।’

Brumby ले नेपालको विद्युतीय सवारी बजारमा आफ्नो विश्वसनीय पहिचान स्थापित गरिरहँदा बेइजिङ अटो वर्क्स अब आफ्नो शहरी विद्युतीय सवारी शृंखलाको नयाँ पुस्ता BAW E7 Pro सार्वजनिक गर्ने तयारीमा छ ।

E7 Pro लाई Brumby को अझ परिष्कृत तथा प्राविधिक रूपमा उन्नत संस्करणका रूपमा विकास गरिएको हो । यसमा डाइरेक्ट फास्ट चार्जिङ, आधुनिक बाह्य डिजाइन, थप फराकिलो तथा आरामदायी इन्टेरियर, सुधारिएको सस्पेन्सन, उन्नत सुरक्षा प्रणाली, स्मार्ट डिजिटल फिचर तथा अझ परिस्कृत रियर-ह्विल-ड्राइभ प्लेटफर्म उपलब्ध हुनेछ ।

यी सबै सुधारहरूले दैनिक शहरी यात्रा अझ आरामदायी, सुरक्षित तथा आनन्ददायी बनाउने अपेक्षा गरिएको छ ।

Brumby ले स्थापित गरेको विश्वास र लोकप्रियतालाई आधार बनाउँदै BAW E7 Pro ले नेपालको शहरी विद्युतीय सवारी बजारमा नयाँ मापदण्ड स्थापित गर्ने विश्वास कम्पनीले लिएको छ ।

सात दशकभन्दा बढीको अटोमोबाइल इन्जिनियरिङ अनुभवको आधारमा बेइजिङ अटो वर्क्स ले नेपाली उपभोक्ताका लागि Brumby लाई व्यावहारिक, भरपर्दो तथा आधुनिक शहरी विद्युतीय सवारीका रूपमा प्रस्तुत गरेको छ । अब आउँदै गरेको BAW E7 Pro  मार्फत कम्पनीले अझ उत्कृष्ट डिजाइन, थप आराम, उन्नत प्रविधि तथा उत्कृष्ट शहरी ड्राइभिङ अनुभव प्रदान गर्ने लक्ष्य लिएको छ ।

नेपालका शहरहरू विस्तार हुँदै जाँदा र शहरी आवागमनका आवश्यकता परिवर्तन हुँदै जाँदा कम्प्याक्ट डिजाइन, रियर-ह्विल-ड्राइभ प्रविधि, कम सञ्चालन खर्च, प्रमाणित इन्जिनियरिङ तथा फास्ट चार्जिङ जस्ता विशेषताले BAW का विद्युतीय सवारीलाई आधुनिक नेपाली चालकका लागि अझ आकर्षक विकल्प बनाइरहेका छन् ।