गणेश नेपालीको अवस्था गम्भीर र अस्थिर छ : वीर अस्पताल

काठमाडौं । आफ्नै शरीरमा आगो लगाएर घाइते भएका राइड सेयरिङ चालक गणेश नेपालीको स्वास्थ्य अवस्था गम्भीर र अस्थिर रहेको वीर अस्पतालले जनाएको छ ।

शुक्रबार नेपालीको स्वास्थ्य अवस्थाबारे प्रेस विज्ञप्ति नै जारी गरेर उपचारमा संलग्न चिकित्सकले उनलाई भेन्टिलेटरमा राखिएको र कुनै पनि समय अवस्था बिग्रिन सक्ने जनाएका हुन् ।

डाक्टरहरूका अनुसार नेपालीलाई ५५ प्रतिशत गम्भीर रूपमा जलेको अत्यन्तै जटिल अवस्थामा वीर अस्पतालको आकस्मिक कक्षमा ल्याइएको थियो।

गणेश नेपालीलाई उपचारका लागि तत्काल भारत नलैजाने

भर्ना भएकै समयदेखि उनलाई मेकानिकल भेन्टिलेटरमा राखी प्लाष्टिक सर्जरी, एनेस्थेसिया, र क्रिटिकल केयर मेडिसिनका वरिष्ठ विशेषज्ञ चिकित्सकहरू, नर्सिङ विधाका दक्ष स्वास्थ्यकर्मी तथा सम्पूर्ण अस्पताल परिवार उनको जीवन रक्षाका लागि २४ सै घण्टा निरन्तर जुटिरहेको बताइएको छ ।