निर्वाचन सहज ढंगबाट सम्पन्न हुन्छ: प्रधानमन्त्री

काठमाडौँ । अन्तरिम सरकारका प्रधानमन्त्री सुशीला कार्कीले आसन्न प्रतिनिधि सभा सदस्य निर्वाचन सहज ढंगबाट सम्पन्न हुने दाबी गरेकी छन् ।

राष्ट्रिय सभाको बैठकलाई सोमवार पहिलो पटक सम्बोधन गरेर बाहिरिने क्रममा प्रधानमन्त्री कार्कीले यस्तो दाबी गरेकी हुन् ।

उनले निर्वाचनको लागि आफूहरूले सरकारको तर्फबाट तयारी गरिरहेको र बाँकी जनताले मूल्यांकन गर्ने कुरा भएको बताइन् । उनले सहज ढंगबाट निष्पक्ष, स्वतन्त्र र भयरहित निर्वाचन हुने बताइन् ।

उनले भनिन् ‘संसदको पहिलो सम्बोधन मीठो भयो । हामी त निर्वाचनको लागि तयारी गरिरहेका छौँ । तपाईँहरूले मूल्यांकन गर्ने हो । सहज ढंगबाट निर्वाचन हुन्छ ।’

प्रधानमन्त्री कार्कीले संसदको पहिलो सम्बोधन मीठो भएको प्रतिक्रिया दिइन् ।