शान्तिबाटिकामा राप्रपाको जनसभा (तस्बिरहरू)
काठमाडौँ । राष्ट्रिय प्रजातन्त्र पार्टी केन्द्रीय समितिको आयोजनामा आज (मंसिर २३ गते) शान्तिबाटिकामा जनसभाको आयोजना गरिएको छ।
राजा, राजनीतिक दल र जेनजी लगायत सरोकारवालाहरूको सर्वपक्षीय सहमतिबाट देसलाई निकास दिनुपर्ने, अन्तरजिल्ला मतदान तथा विदेशमा बस्ने नेपालीहरूले मतदान गर्न पाउने सुनिश्चितता हुनुपर्ने, जेनजी आन्दोलनका सहिद परिवार तथा घाइतेहरूको माग पूरा गर्नुपर्ने मुख्य मागसहित राजा ,राजनीतिक दल र जेनजी बिचमा नवीन समझदारीको लागि भन्दै जनदबाब स्वरूप विरोध सभा गरिएको हो।
जनसभामा पार्टी अध्यक्ष राजेन्द्र लिङदेन, उपाध्यक्षहरू विक्रम पाण्डे, बुद्धिमान तामाङ, राजेन्द्र गुरुङ, धुर्ब बहादुर प्रधान, महामन्त्री धवलशमशेर राणा, आन्दोलन परिचालन समितिको संयोजक ज्ञानेन्द्र शाही लगायत नेताहरू गोपाल दाहाल, रबिन्द्र प्रताप शाह, धनबहादुर बुढा, ठाकुर मोहन श्रेष्ठ, रविन्द्र मिश्र लगायतको उपस्थिति रहेको छ।
यसैगरी पार्टीको भातृ संगठन राष्ट्रिय प्रजातान्त्रिक युवक संगठनका अध्यक्ष सुजित केसी, राष्ट्रिय प्रजातान्त्रिक युवा संगठन अध्यक्ष कैलाश कटुवाल, वीर गोर्खालीका अध्यक्ष मनोज सापकोटा, आरटीएफ संयोजक मुनिन्द्र भण्डारी सहित जेनजी अभियान्ता रबिकिरण हमाल र एसपि शाहको उपस्थिति रहेको छ।
कार्यक्रम अघि काठमाडौँको जोरपाटी र सामाखुसी, भक्तपुरको सल्लाघारी र ललितपुरको एकान्तकुनामा भेला भई नेता तथा कार्यकर्ता कार्यक्रम स्थलमा आएका थिए।
हेर्नुहोस् तस्बिरहरू :
