दक्षिण कोरियाका पूर्वराष्ट्रपति युनकी श्रीमतीलाई १५ वर्षको जेल सजाय माग

एजेन्सी । दक्षिण कोरियाको विशेष वकिल टोलीले बुधवार पूर्व महाभियोग लगाइएका राष्ट्रपति युन सुक–योलकी श्रीमती किम केओन–हीलाई भ्रष्टाचारको आरोपमा १५ वर्षको जेल सजाय माग गरेको छ ।

पूर्व राष्ट्रपति दम्पतीसँग सम्बन्धित भ्रष्टाचारको आरोपको अनुसन्धानको नेतृत्व गरिरहेका विशेष वकिल मिन जोङ–कीको टोलीले पुँजी बजार ऐन र राजनीतिक कोष ऐन लगायतका कानुन उल्लङ्घन गरेको आरोपमा अगस्टदेखि हिरासत केन्द्रमा रहेका किमलाई जेल सजाय माग गरिएको हो । सजायको मिति अर्को वर्ष जनवरी २८ को लागि तय गरिएको थियो ।