ह्वाइट हाउस नजिकै भएको आक्रमणमा घाइते भएका अमेरिकी राष्ट्रिय गार्ड सदस्यको मृत्यु

एजेन्सी । अमेरिकी राष्ट्रपति डोनाल्ड ट्रम्पले ह्वाइट हाउस नजिकै गोली हानी हत्या प्रयास गरिएका दुई अमेरिकी राष्ट्रिय गार्ड सिपाहीहरू मध्ये एकको मृत्यु भएको बताएका छन् ।

२० वर्षीया सारा बेकस्ट्रोमको चोटका कारण मृत्यु भएको हो । २४ वर्षीया एन्ड्रयू वोल्फको अवस्था गम्भीर रहेको ट्रम्पले बताएका हुन् ।

वाशिंगटनमा राष्ट्रिय गार्ड तैनाथीको निरीक्षण गर्ने संयुक्त कार्यदल डी.सी.का अनुसार बुधवार फरागुट स्क्वायर मेट्रो स्टेशन नजिकै आक्रमण भएको थियो ।

संदिग्ध रहमानउल्लाह लकनवाल, एक २९ वर्षीय अफगानी नागरिक हुन् । जो २०२१ मा संयुक्त राज्य अमेरिका प्रवेश गरेका थिए । पहिले अफगानिस्तानमा सीआईएसँग काम गरेका थिए ।