वर्डक्याम्प नेपाल २०२६ बुटवलमा हुने
मकालु खबर
काठमाडौँ । वर्डक्याम्प नेपाल २०२६ बुटवलमा हुने भएको छ । वर्डक्याम्प नेपाल २०२६ जनवरी २३ र २४ गते बुटवलको मणिग्राम विश्राम बाटिकामा आयोजना हुने भएको हो ।
यस कार्यक्रमलाई प्रविधि र व्यापारको केन्द्रका रूपमा उदाउँदै गरेको लुम्बिनी प्रदेशको लागि एउटा महत्वपूर्ण अवसरको रूपमा हेरिएको छ ।
काठमाडौंमा मात्र केन्द्रित नभई, देशका अन्य भागहरूमा पनि वर्डप्रेसको ज्ञान र अवसरहरू पुर्याउने उद्देश्यका साथ बुटवललाई यो सम्मेलनको आयोजना स्थलको रूपमा छनोट गरिएको छ ।
यो कदमले नेपालको बढ्दो डिजिटल अर्थतन्त्रलाई टेवा पुर्याउने अपेक्षा गरिएको छ, जहाँ वर्डप्रेसले वेबसाइट निर्माण, सामग्री व्यवस्थापन र ई–कमर्स समाधानमा महत्त्वपूर्ण भूमिका खेलिरहेको छ ।
वर्डक्याम्प नेपाल २०२६ ले विगतका सफल कार्यक्रमहरूको विरासतलाई निरन्तरता दिँदै सिक्ने, नेटवर्क बनाउने र समुदाय निर्माण गर्ने अवसर प्रदान गर्नेछ ।
भैरहवा र लुम्बिनी जस्ता महत्वपूर्ण स्थानको नजिकै रहेको बुटवलको छनोटले तराई क्षेत्रका साथै अन्य ठाउँबाट पनि सहभागीहरूलाई आकर्षित गर्ने विश्वास गरिएको छ ।
आध्यात्मिक परम्परा, प्राकृतिक सौन्दर्य, भ्यू–प्वाइन्ट र पार्कहरूले भरिपूर्ण बुटवल, वर्डक्याम्प नेपाल २०२६ को लागि उत्कृष्ट पृष्ठभूमि हुनेछ । मैदान र कालीगण्डकी नदीको दृश्यले सहभागीलाई प्रेरणादायी वातावरण प्रदान गर्नेछ ।
कन्ट्रिब्युटर डे – जनवरी २३
कार्यक्रमको पहिलो दिन, WordPress प्रोजेक्टलाई योगदान गर्ने दिन हुनेछ। विभिन्न टिम र समूहमा सहभागी भई सहयोग, सिकाइ र भविष्य निर्माणमा प्रत्यक्ष योगदान दिन सकिनेछ ।
कन्फरेन्स डे – जनवरी २४
मुख्य सम्मेलन दिवसमा विशेषज्ञ वक्ता, प्यानल छलफल र व्यवहारिक कार्यशालाहरू रहनेछन्। यस दिन वर्डप्रेस सम्बन्धी नयाँ प्रवृत्ति, उत्तम अभ्यास र नवीनतम जानकारीहरू सिक्ने अवसर हुनेछ ।
जोडिनुहोस्, सिक्नुहोस् र बढ्नुहोस्
वर्डक्याम्प नेपाल २०२६ ले नेपालभरिका वर्डप्रेस प्रेमीहरू, डेभलपर, डिजाइनर, कन्टेन्ट क्रिएटर र प्रयोगकर्तालाई एकै ठाउँमा ल्याउनेछ । ज्ञान बाँड्न, विचार साट्न र नयाँ सहकार्यको सुरुवात गर्न यो उत्कृष्ट अवसर हुनेछ। सहभागिताको लागि अनलाइन रजिस्ट्रेसन खुला भइसकेको छ ।
टिकटको लागी याहाँ जानुहोस् । https://nepal.wordcamp.org/2026/tickets/
स्थान र दर्ता जानकारी
यस वर्षको वर्डक्याम्प नेपाल २०२६, मानिग्राम बिश्राम बाटिका, बुटवलमा आयोजना हुनेछ ।
दर्ता तथा स्थान सुरक्षित गर्ने प्रक्रिया चाँडै सार्वजनिक गरिनेछ। कृपया हाम्रो वेबसाइट र सामाजिक सञ्जालमार्फत अपडेट प्राप्त गर्नुहोस् ।
कसको लागि उपयुक्त:
कार्यक्रममा डेभलपर, प्लगइन र थिम निर्माता, डिजाइनर, सर्च-इन्जीन विशेषज्ञ, व्यवसाय सञ्चालक, कन्टेन्ट क्रिएटर, विद्यार्थी लगायत सबै वर्डप्रेसप्रेमीहरूले भाग लिन सक्नेछन् ।
किन सहभागी हुने?
- वर्डप्रेससँग सम्बन्धित नयाँ जानकारी र प्रविधिको विकासबारे बुझ्न ।
- नेटवर्क निर्माण गर्न।
- आफ्नो करियरका लागि नयाँ अवसरहरूको खोजी गर्न ।
- वर्डप्रेस र यसको इकोसिस्टममा के भइरहेको छ भन्ने जानकारी प्राप्त गर्न ।
वर्डक्याम्प नेपाल २०२६ वर्डप्रेस समुदायलाई एकै ठाउँमा ल्याउने ठूलो कार्यक्रम हो । वर्डप्रेसमा आफ्नो भविष्य बनाउन चाहने र यसमा योगदान दिन चाहने सबैका लागि यो कार्यक्रम महत्वपूर्ण छ।
उक्त सम्मेलनमा सहभागिताको लागि अनलाइन रजिस्ट्रेसन खुला भइसकेको छ ।
टिकटको लागी याहाँ जानुहोस् । https://nepal.wordcamp.org/2026/tickets/
थप जानकारीका लागि वर्डक्याम्प नेपालको आधिकारिक वेबसाइट Website: https://nepal.wordcamp.org/2026/ मा जान सक्नुहुनेछ।
वर्डक्याम्प नेपाल २०२६ मा सहभागी भई आफ्नो वर्डप्रेस यात्रालाई नयाँ उचाइमा पुर्याउनुहोस्!
मकालु खबर
