अर्जेन्टिनाको पाटागोनियन क्षेत्रमा १४० किलोमिटर प्रतिघण्टाको हावा

काठमाडाैं । दक्षिणी अर्जेन्टिनाको पाटागोनिया क्षेत्रमा १४० किलोमिटर प्रतिघण्टा भन्दा बढी गतिको तेज हावा चलेको छ । जसले गर्दा व्यापक अवरोध र क्षति भएको बताइएको छ । अर्जेन्टिनाको राष्ट्रिय मौसम विज्ञान सेवाले धेरै स्थानहरूको लागि रातो, सुन्तला र पहेंलो अलर्टहरूको श्रृंखला जारी गरेको छ । चुबुट र सान्ता क्रुज प्रान्तका स्कूल र किनमेल मलहरू बन्द गरिएको छ ।

चुबुट प्रान्तको कोमोडोरो रिभाडाभिया शहर सबैभन्दा बढी प्रभावित भएको देखिन्छ । त्यहाँ बैंक, पसल र स्कूलहरू बन्द गरिएका थिए । स्थानीय अधिकारीहरूले सबै बासिन्दाहरूलाई घर भित्रै बस्न आग्रह गरेका छन् ।