याङ्गो राइडले तिहारमा पार्टनर ड्राइभरहरूका लागि ल्यायो दोब्बर बोनस अफर
मकालु खबर
काठमाडौं । तिहारको उल्लासमय वातावरणमा विश्वव्यापी टेक कम्पनी याङ्गो ग्रुप अन्तर्गतको याङ्गो राइडले आफ्ना पार्टनर ड्राइभरहरूका लागि विशेष प्रोत्साहन अभियान सुरु गरेको छ । यो अभियान तिहारजस्तो व्यस्त समयमा ड्राइभर पार्टनरहरूलाई थप आम्दानीको अवसर प्रदान गर्ने र कम दबाबमा बढी कमाउन सहयोग गर्ने उद्देश्यका साथ ल्याइएको हो ।
यो अभियान तिहारभरि, अर्थात् एक हप्तासम्म चल्नेछ । यसमा अक्टोबर २०, सोमबारदेखि थप बोनसहरू उपलब्ध हुनेछन् । यस अवधिमा सबै वर्गका बोनस दरहरू सामान्यभन्दा दोब्बर बनाइएका छन् । अब पार्टनर ड्राइभरहरूले कार सेवामा दैनिक अधिकतम रु. ६,२०० सम्म र बाइक सेवामा दैनिक रु. ४,१०० सम्म बोनसका रूपमा कमाउन सक्नेछन् । यसका लागि ड्राइभर पार्टनरहरूले आफ्नो सामान्य दैनिक लक्ष्य पूरा गरे पुग्छ, कुनै अतिरिक्त लक्ष्य पूरा गर्नुपर्ने छैन ।
याङ्गो राइड नेपालका एक वरिष्ठ प्रतिनिधिले भने, ‘पार्टनर ड्राइभरहरू नै याङ्गोको मेरुदण्ड हुन् । यो विशेष बोनस अभियान उनीहरूलाई चाडपर्वको समयमा आफ्नो परिवारसँग बिताउने समय छोडेर सेवामा जुट्ने उनीहरूको समर्पणका लागि हाम्रो तर्फबाट एउटा सानो सम्मान हो । हामी हाम्रा पार्टनर ड्राइभरहरूप्रति कृतज्ञता व्यक्त गर्न चाहन्छौँ- उनीहरूलाई सजिलै र धेरै आम्दानी गर्न सक्षम बनाउँदै ।’
याङ्गो काठमाडौंमा आफ्नो सेवाको पहुँच विस्तार गर्न र दैनिक यात्राका लागि भरपर्दो विकल्प उपलब्ध गराउन प्रतिबद्ध छ । यसका साथै कम्पनीले स्थानीय साझेदार र यातायात सेवा प्रदायकहरूलाई आफ्नो मोबाइल एपमार्फत सेवा प्रदान गर्न सशक्त बनाउँदै आएको छ । स्थानीय अर्थतन्त्रलाई सहयोग पुर्याउने र नेपाली साझेदारहरूका लागि व्यावसायिक कार्यप्रणालीको डिजिटल रूपान्तरणलाई प्रोत्साहन गर्ने याङ्गोको मुख्य लक्ष्यमध्ये एक हो ।
याङ्गोले सबै पार्टनर ड्राइभरहरूलाई यो विशेष अवसरको फाइदा उठाउन र चाडपर्वको समयमा बढी आम्दानी गर्दै तिहार मनाउन आग्रह गरेको छ । अभियानमा सहभागी हुन र थप जानकारीका लागि ड्राइभरहरूलाई याङ्गो ड्राइभर एप हेर्न र आगामी अपडेटहरूमा ध्यान दिन सिफारिस गरिएको छ ।
मकालु खबर
