बग्राम एयरबेस कुनैपनि देशलाई हस्तान्तरण गर्दैनौँ : अफगानिस्तान

काठमाडौं । अफगान सरकारका मुख्य प्रवक्ता जबिहुल्लाह मुजाहिदले बग्राम एयरबेसको बारेमा संयुक्त राज्य अमेरिकासँग भएको भनिएको सम्झौतालाई अस्वीकार गरेका छन् ।

अफगानहरूले आफ्नो माटोको कुनैपनि भाग कुनैपनि देशलाई नदिने स्पष्ट पारे । अमेरिकी राष्ट्रपति डोनाल्ड ट्रम्पले बग्राम एयरबेस फिर्ता लिने र त्यहाँ अमेरिकी सेनालाई पुनः तैनाथ गर्ने प्रयास गरेको रिपोर्टको बीचमा आइतबार काबुलमा आयोजित पत्रकार सम्मेलनमा मुजाहिदले उक्त टिप्पणी गरेका हुन् ।

काबुलबाट ५० किलोमिटर उत्तरमा रहेको बग्राम एयरबेसले अफगानिस्तानमा अमेरिकी नेतृत्वको गठबन्धन सेनाको २० वर्षको उपस्थितिको समयमा मुख्य अमेरिकी सेनाको अड्डाका रूपमा काम गरेको थियो । जुन अगस्ट २०२१ मा देशबाट विदेशी सेना फिर्ता भएपछि समाप्त भयो ।

अफगान सरकार संयुक्त राज्य अमेरिकासहित सबै देशहरूसँग राजनीतिक र आर्थिक संलग्नताका लागि तयार रहेको बताए । अमेरिकाले बग्राममा जोड दिनुको सट्टा आफ्नो दूतावास खोल्न र कुटनीतिक माध्यमबाट सकारात्मक संलग्नता शुरु गर्न आह्वान गरे ।