पश्चिम सुडानमा आरएसएफको तोपखाना आक्रमणमा १३ सर्वसाधारणको मृत्यु

एजेन्सी । सोमवार अर्धसैनिक ¥यापिड सपोर्ट फोर्सेस (आरएसएफ) ले पश्चिमी सुडानको उत्तरी डार्फरको राजधानी एल फाशेरमा आवासीय छिमेकहरूलाई तोपखाना बमबारीले लक्षित गर्दा कम्तिमा १३ सर्वसाधारणको मृत्यु भएको छ । १९ जना घाइते भएका स्वयंसेवक समूहहरूले रिपोर्ट गरेका छन् ।

सुडान डाक्टर नेटवर्कले एक विज्ञप्तिमा हताहतमा सात बालबालिका र एक गर्भवती महिला समावेश रहेको बताएको छ । प्रभावित क्षेत्रहरूमा धेरै शव र घाइतेहरू फसेका छन् । जसको सही संख्या अज्ञात छ ।

यसले आक्रमणलाई पूर्ण युद्ध अपराध भनेर निन्दा गरेको छ । मे २०२४ देखि एल फाशेरमा हिंसात्मक झडपहरू जारी छन् ।

सुडान अझै पनि अप्रिल २०२३ मा शुरु भएको द्वन्द्वले ग्रसित छ । लडाईले दशौं हजारको मृत्यु भएको छ । लाखौंलाई विस्थापित गरेको छ । जसले देशको मानवीय संकटलाई गहिरो बनाएको छ ।