गाजा फ्लोटिला घटनाले आक्रोश फैलाएपछि इटालीमा आम हडताल

एजेन्सी । इजरायली नौसेना सेनाले गाजामा मानवीय सहायता बोकेको अन्तर्राष्ट्रिय फ्लोटिलालाई रोकेपछि इटालीभर लाखौं मानिसहरूले राष्ट्रव्यापी आम हडताल गरेका छन् ।

सिजिआइएल र युएसबी ट्रेड युनियनहरूसहित धेरै समूहहरूले आह्वान गरेको हडतालले सार्वजनिक र निजी दुवै क्षेत्रलाई अवरुद्ध पारेको थियो । रोम, मिलान, जेनोवा, क्याटानिया र नेपल्स लगायत प्रमुख शहरहरूमा यातायात सेवाहरू प्रभावित भए ।

स्वास्थ्यकर्मी, निजामती कर्मचारी, शिक्षक, विश्वविद्यालय कर्मचारी र पत्रकारहरू, राज्य प्रसारक च्ब्क्ष् का कर्मचारीहरू सहित, पनि वाकआउटमा सामेल भए ।

सिजिआइएल युनियनको क्षेत्रीय शाखाले इमिलिया–रोमाग्ना क्षेत्रमा ग्लोवल सुमुन्द फ्लोटिलाको नाकाबन्दीको विरोध गर्न र गाजामा नरसंहार अन्त्य गर्न र नेतान्याहू सरकारले प्यालेस्टिनी जनताको मेटाउने आह्वान गर्न २ लाख भन्दा बढी मानिसहरूले प्रदर्शन गरेका हुन् ।

४० भन्दा बढी देशका लगभग ५ सय कार्यकर्ताहरू बोकेका लगभग ५० नागरिक जहाजहरूको काफिला ग्लोवल सुमुन्द फ्लोटिलामा सवारहरूमध्ये लगभग ४० जना इटालियनहरू थिए ।

इजरायली अधिकारीहरूले भने कि जहाजमा रहेका सबैलाई हिरासतमा लिइएको थियो । उनीहरूलाई निष्कासित गरी स्वदेश फिर्ता पठाइनेछ ।