टर्कीद्वारा राष्ट्रव्यापी कारबाहीमा १.१ टनभन्दा बढी लागुऔषध, २.७ मिलियन चक्की बरामद

काठमाडौं । टर्की प्रहरीले विगत दुई हप्तामा ७४ प्रान्तहरूमा गरिएको कारबाहीमा १.१८३ टन लागुऔषध र २.७९ मिलियन लागुऔषध चक्की बरामद गरेको देशका गृहमन्त्री अली येर्लिकायाले मंगलवार बताएका छन् र

छापा मार्ने क्रममा कुल १ हजार ८ सय ११ संदिग्धहरूलाई हिरासतमा लिइएको मन्त्रीले बताए । येर्लिकायाले इस्तानबुल, अंकारा र इज्मिर लगायत प्रमुख शहरहरूमा २ हजार ७ सय ५ टोली, ६ हजार ७ सय ६० कर्मचारी र २१ विमान संलग्न रहेको बताए । मन्त्रीले लागुऔषध विरुद्धको लडाई युवाहरूको सुरक्षा गर्ने उद्देश्यले गरिएको कुरामा जोड दिए ।

एसिया र युरोपको चौबाटोमा अवस्थित टर्किएले लामो समयदेखि अन्तर्राष्ट्रिय लागुऔषध तस्करीसँग संघर्ष गर्दै आएको छ । टर्कीका सुरक्षा बलहरूले लागुऔषध दुरुपयोग र तस्करी विरुद्ध लड्न नियमित रूपमा अभियान सञ्चालन गर्छन् ।