घुससहित पक्राउ परेका पोखराका न्यायिक समितिको सदस्य श्रेष्ठमाथि आरोपपत्र दायर

काठमाडौँ । कास्की, पोखरा महानगरपालिका न्यायिक समितिको सदस्य भावना श्रेष्ठमाथि आरोप पत्र दायर गरिएको छ ।

आज विशेष अदालत काठमाडौँमा श्रेष्ठमाथि आरोप पत्र दायर गरिएको हो ।

बाटोको विवाद निर्णय गर्दा रविन कुमार श्रेष्ठले आफ्नो पक्षमा पार्नको लागि उनलाई रु २ लाख घुस दिएको थियो ।

श्रेष्ठले पोखरा महानगरपालिकाको न्यायिक समितिमा विचाराधीन पोखरा २६ को बाटोको निकास सम्बन्धी विवादमा निवेदक रविन कुमार श्रेष्ठको पक्षमा निर्णय गर्न गराउनको लागि उनीसँग रु २ लाख लिएको पुष्टि भयो ।

त्यसकारण श्रेष्ठलाई जरिवाना सजाय गरी लिइसकेको घुस जफत हुन माग दाबी गरिएको छ।

साथै निवेदक श्रेष्ठलाई पनि बिगो दुई लाख रुपैयाँ कायम गरी कैद र जरिवाना सजायको माग गरिएको छ ।