मलाई गाली गर्नैछ भने शब्दकोष पल्टाइ पल्टाइ गरे हुन्छ : ओली

काठमाडौं । प्रधानमन्त्री केपी शर्मा ओलीले आफूलाई खुलेर गाली गर्न सकिने बताएका छन् । उनले रिस उठेका मानिसलाई गाली गर्न स्वतन्त्रता रहेको उल्लेख गर्दै, आफू तथ्यका आधारमा चुनौती दिन तयार रहेको बताएका छन् ।

एक कार्यक्रमलाई सम्बोधन गर्दै ओलीले भने, ‘रिस उठेका मानिसहरुलाई गाली गर्न स्वतन्त्रता छ । गरौँ । शब्दकोष पल्टाइ पल्टाइ गाली गरे पनि के फरक पर्छ र ?’

उनले आफुले बोलेका विषयहरू नेपाल राष्ट्र बैंकले छापेका नोट जस्तै प्रमाणित हुने दाबीसमेत गरे । ‘अहिले मैले भनेका कुराहरुमा नेपाल राष्ट्र बैंकले छापेका नोटहरुमा हुन्छ, कसैले भुक्तानी माग्न आएमा रुपैयाँ यति तत्काल भुक्तान दिइनेछ,’ ओलीको भनाइ थियो, ‘मैले भनेका कुराहरुमा पनि तत्काल भुक्तान दिनेछु ।’