एनसेलको ‘सधैँ अन करोडपति’ योजनाः दोस्रो हप्तासम्ममा २० ग्राहक बने लाखपति
मकालु खबर
काठमाडौं । एनसेल आजियाटा लिमिटेडले सञ्चालनमा ल्याएको आकर्षक योजना ‘सधैँ अन करोडपति’ अन्तर्गत दोस्रो हप्ता सम्पन्न हुँदा २० जना भाग्यशाली ग्राहकले १–१ लाख रुपैयाँ नगद जितेका छन् ।
कम्पनीले सोमबार जानकारी गराएअनुसार, हरेक हप्ता १० जना विजेता छानिने यो योजनामा अहिलेसम्म दुई साता भित्र २० जना ग्राहकलाई नगद पुरस्कार प्रदान गरिएको छ ।
साप्ताहिक रूपमा आयोजना भइरहेको योजनाअनुसार १२ हप्तासम्म प्रत्येक हप्ता १० जनालाई १–१ लाख रुपैयाँ दिइनेछ भने अन्तिममा १ जना भाग्यशाली विजेताले १ करोड रुपैयाँ बम्पर नगद पुरस्कार जित्नेछन् ।
सस्तो प्याकबाट करोडसम्मको सपना
दाङका लक्ष्मण यादव भन्छन्, “म किसानको छोरो हुँ, कार्यालय सहयोगीको काम गर्छु । यो १ लाख त मेरो लागि करोडजस्तै हो।” यादव ‘सधैँ अन’ प्याकमार्फत दोस्रो साता १ लाख जित्नेमध्ये एक हुन्। उनले भने, “बच्चाको पढाइ र घरखर्चमा लगाउनेछु ।”
काठमाडौंमा बसोबास गर्दै आएकी पाँचथरकी सुजाता तामाङले भनिन्, “मलाई ल्यापटप किन्ने मन थियो । ९९ रुपैयाँको रिन्यूअल प्याक लिएको थिएँ, २ वटा टिकट आएको थियो । १ लाख जितेपछि सपना पूरा हुनेभयो ।”
डबल टिकटको मौका र खुद्रा विक्रेतालाई पनि नगद
एनसेलले यो योजनामा ग्राहकका साथै सेवा बेच्ने खुद्रा विक्रेतालाई पनि पुरस्कार दिने व्यवस्था गरेको छ ।
जसअन्तर्गत, ग्राहकले ९९ रुपैयाँ बराबरको सेवा खरिद गर्दा १ वटा टिकट प्राप्त गर्छन् भने रिन्यूअल वा रोमिङ सेवामा डबल टिकट पाइन्छ ।
त्यस्तै, ग्राहकले १ लाख जितेमा सेवा बेच्ने विक्रेताले २५ हजार र बम्पर जितेमा १ लाख रुपैयाँ नगद पुरस्कार जित्ने छन् ।
मिथिला नगरपालिका–३ स्थित शिभिका स्टोरका अमित चौधरीले भने, “ग्राहकले १२ वटा टिकट पाएका थिए, १ लाख जिते । मैले पनि २५ हजार नगद पाएको छु ।”
दोस्रो हप्ताका विजेता टिकट नम्बरहरूः
W2–03623255
W2–01990835
W2–03300289
W2–01960521
W2–00095561
W2–02946125
W2–00403513
W2–03058143
W2–02049560
W2–02177347
कसरी सहभागी हुने ?
ग्राहकहरूले *१२३# डायल गरेर, एनसेल एप वा वेबसाइट, आधिकारिक विक्रेता वा डिजिटल वालेट तथा बैंकमार्फत ९९ रुपैयाँ वा सोभन्दा माथिको प्याक लिनुपर्छ । हरेक ९९ रुपैयाँ बराबरको खरिदमा १ टिकट प्राप्त हुन्छ ।
टिकट संख्या *९९९९# डायल गरेर वा ९९९९ मा SMS (१ वा २) पठाएर हेर्न सकिन्छ ।
१२ हप्ते योजना, हरेक शनिबार नयाँ विजेता
एनसेलले योजना असार १ देखि १२ हप्तासम्म संचालन गर्ने जनाएको छ । हरेक हप्ता शनिबार साँझ ६ः३० बजे विजेता घोषणा कान्तिपुर टिभी, एनसेल एप र यूट्युब च्यानलमार्फत गरिन्छ ।
पुरस्कार प्राप्त गर्न चयन भएको मितिबाट ३५ दिनभित्र सम्पर्क गर्नु पर्नेछ ।
मकालु खबर
