बाजुरामा खोलाले बगाउँदा एकजना बेपत्ता
मकालु खबर २०८२ असार ८ गते
बाजुरा । बाजुराको गौमूल गाउँपालिकामा खोलाले बगाएर एकजना बेपत्ता भएका छन् ।
जिल्ला प्रहरी कार्यालय बाजुराका अनुसार गौमूल–३ का ४५ वर्षीय धनबहादुर बोहरा आज बिहान गेरेनी खोलाले बगाएर बेपत्ता भएका हुन् ।
पूर्ववडा सदस्यसमेत रहेका बोहरा पानी घट्टमा जाँतो तार्ने क्रममा खोलाको बाढीमा परेका थिए ।
प्रहरी निरीक्षक तथा सूचना अधिकारी जनकबहादुर बोहराले प्रहरी र स्थानीयवासीको सहयोगमा बेपत्ताको खोजी कार्य भइरहेको जानकारी दिएका छन् ।
हालैका दिनमा परेको लगातारको वर्षाले पहाडी खोलामा पानीको बहाव उच्च रहेकोले सतर्कता अपनाउन स्थानीय प्रशासनले आग्रह गरेको छ ।
मकालु खबर २०८२ असार ८ गते
प्रतिक्रिया
सम्बन्धित
