पोखराबाट उडे पूर्वराजा शाह

काठमाडौं । पूर्वराजा ज्ञानेन्द्र शाह पोखरा विमानस्थलबाट काठमाडौंका लागि उडेका छन् । उनी आइबार दिउँसो साढे तीन बजे समिट ऐयरको विमानमार्फत पोखराबाट काठमाडौंका लागि उडेका हुन् ।

केही बेरमा पूर्वराजा शाह काठमाडौं आइपुग्नेछन् । उनलाई पोखरा विमानस्थलमा पूर्वराजाको पञ्चेबाजा बजाएर बिदाई गरिएको थियो । पूर्वराजा शाहलाई त्रिभुवन अन्तर्राष्ट्रिय विमानस्थलमा राजावादी पक्षधर पार्टी राष्ट्रिय प्रजातन्त्र पार्टी (राप्रपा) लगायतले स्वागत गर्नेछन् ।

साथै पूर्वराजालाई स्वागत गर्न हजारौंको संख्यामा राजावादी त्रिभुवन विमानस्थलमा उपस्थित भएका छन् ।