पाँच जना बरिष्ठ उपरीक्षक डीआईजीमा बढुवा

काठमाडौं । नेपाल प्रहरीका पाँच जना बरिष्ठ उपरीक्षक (एसएसपी) नायब महानिरीक्षक (डीआईजी) मा बढुवा भएका छन् ।

शुक्रबार बसेको मन्त्रिपरिषद् बैठकले पाँच जना एसएसपीलाई डीआईजी बढुवा गर्ने निर्णय गरेको हो । ईश्वर कार्की, राजेन्द्र प्रसाद भट्ट, दिनेश कुमार आचार्य, अरुण पौडेल, गोविन्द थपलिया बढुवा भएका हुन् ।

चार जना डीआईको बढुवा र एक जना अनिवार्य अवकाशमा गएपछि रिक्त पदमा उनीहरूको बढुवा भएको हो ।