यो भन्दा बलियो गठबन्धन सरकार अब बन्दैन : गोकुल बाँस्कोटा

काठमाडौं । नेकपा एमालेका सांसद गोकुल बाँस्कोटाले वर्तमान सरकारले जनताको पक्षमा काम गर्नुपर्ने बताएका छन् ।

उनले अहिले बलियो सरकार बनेकाले जनताको मुद्दामा काम गरेर राजनीति अवसर लिनुपर्ने बताए ।

सांसद बाँस्कोटाले सरकारले बाढी पहिरोबाट प्रभावितको उद्धार र राहतमा उत्कृष्ट काम गर्न सक्नु पर्ने बताए ।

उनले सरकार नागरिकप्रति जबाफदेही हुनुपर्ने बताए । सांसद बाँस्कोटाले अहिले यति बलियो गठबन्धनको सरकार अब सायदै बन्ने बताए ।

‘नागरिकप्रति जबाफदेही सरकार भएका बेलामा यस्तो हुनु हुँदैनथ्यो । अहिले यति बलियो गठबन्धनको सरकार बनेको छ,’उनले भने,‘योभन्दा बलियो गठबन्धन सरकार सायदै बन्ला वा नबन्ला । तर केही यस्ता मुद्दा छन्, जसप्रति राजनीतिले असर गर्नु मिल्दैन ।’