३५ वर्षपछि घर फर्किएका प्रकाशले पाए नागरिकता (भिडिओ)
मकालु खबर २०८१ भदौ १६ गते
काठमाडौं । हराएका वर्षहरूका मुख्य पात्र प्रकाश तामाङ (काले मोक्तान)ले नागरिकता पाएका छन् ।
उनलाई षडानन्द नगरपालिका मेयर सुरेन्द्र उदासले घरमै नागरिकता हस्तान्तरण गरे ।
प्रकाशको बुवा–आमासँग नाता कायम र जन्मदर्ताको कागज बनाएर नागरिकता दिलाइएको हो ।
आवश्यक सरकारी प्रक्रिया पुर्याएर प्रकाशलाई ०९–०२–८१–००३५७ नम्बर कायम गरिएको छ ।
हेर्ने कथा युट्युब च्यानलमार्फत परिवारसँग सम्पर्कमा पुगेका प्रकाश आफ्नो घर भोजपुर फर्किएका छन् । उनी हिजो शनिवार मात्रै घर पुगेका हुन् ।
घर पुगेको भोलिपल्टै उनलाई नागरिकता प्रदान गरिएको हो । उनलाई नागरिकता दिलाउन प्रधानमन्त्री केपी शर्मा ओलीले पनि निर्देशन दिएका थिए ।
मकालु खबर २०८१ भदौ १६ गते
प्रतिक्रिया
सम्बन्धित
