परराष्ट्रमन्त्रीसँग थाई राजदूतको शिष्टाचार भेट

काठमाडौँ । परराष्ट्रमन्त्री डा आरजु राणा देउवासँग नेपालका लागि थाइल्यान्डका राजदूत स्वापोङ सिरिसोर्नले शिष्टाचार भेट गरेका छन् ।

आज मन्त्रालयमा परराष्ट्रमन्त्री र सिरिसोर्नबीच शिष्टाचार भेटवार्ता भएको हो ।

भेटमा नेपाल थाइल्यान्ड सम्बन्धका विविध पक्षका साथै आपसी हित र पारस्परिक सहयोगका विषयमा कुराकानी भएको परराष्ट्र मन्त्रालयले जानकारी दिएको छ ।