काठमाडौंबाट वीरगन्ज जाँदै गरेको सुमो सिस्नेरीमा खस्यो, १० घाइतेमध्ये तीन जना गम्भीर

मकवानपुर । मकवानपुरको सिस्नेरीमा टाटा सुमो दुर्घटना हुँदा १० जना घाइते भएका छन् । घाइतेमध्ये तीन जनाको अवस्था गम्भीर रहेको मकवानपुर प्रहरीले जनाएको छ ।

शनिबार बिहान काठमाडौंबाट वीरगन्जको लागी छुटेको मधेश प्रदेश ०३-००१ ज ०३६२ नम्बरको सुमो आफैँ अनियन्त्रित भई दुर्घटना भएको जिल्ला प्रहरी कार्यालय मकवानपुरका प्रहरी निरीक्षक प्रकाश साहाले जानकारी दिए ।

इन्द्रसरोवर गाउँपालिका वडा नम्बर ३ सिस्नेरी बजार नजिकै सुमो दुर्घटना भएको हो । घाइते सबैलाई उपचारको लागी काठमाडौं पठाइएको निरीक्षक साहाले बताए ।