झापामा एक महिला दुई बालक छोरासहित मृत फेला
मकालु खबर
२०८१ जेठ ३२ गते
काठमाडौं । झापामा एक महिला दुई बालक छोरासहित मृत फेला परेकी छन् ।
शिवसताक्षी नगरपालिका–३ भोटेपुलकी २५ वर्षीया अन्जली बेस्रा र उनका दुई छोरा आफ्नै घरमा मृत फेला परेका हुन् ।
घरभित्रै बेडमा उनिसंगै उनका छोराहरू ८ वर्षका विशाल बेस्रा र २ वर्षका आयुष बेस्रा पनि मृत फेला परेका जिल्ला प्रहरी कार्यालय, झापाका डीएसपी कृष्णकुमार चन्दले जानकारी दिए ।
मृतक अन्जलीका पती रोजगारीका लागि कतारमा छन् । मृतक महिला सलले पासो लागेर घरभित्रै झुण्डिएको अवस्थामा फेला परेकी हुन् ।
घटनास्थलमा प्रहरी पुगेर थप अनुसन्धान गरिरहेको छ ।
मकालु खबर
२०८१ जेठ ३२ गते
प्रतिक्रिया
सम्बन्धित