विमानको ठक्करबाट रारा विमानस्थलमा एक कर्मचारी गम्भीर घाइते
मकालु खबर
२०८१ जेठ १० गते
काठमाडौँ । विमानको ठक्करबाट मुगुस्थित रारा विमानस्थलमा एक कर्मचारी गम्भीर घाइते भएका छन् । उड्ने तयारीमा रहेको सीता एयर विमानले ठक्कर दिँदा विमानकै कर्मचारी घाइते भएका हुन् ।
बिहीबार नेपालगन्जका लागि यात्रुहरू राखेर उड्ने तयारीमा रहेको सीता एयरको ट्विनअटर विमानको अघिल्लो भागले ठक्कर दिँदा मुगु स्टेसन प्रमुख धीरेन्द्र भाम गम्भीर घाइते भएका हुन् ।
भामले विमानका चालकहरूलाई विमान उडान गर्न संकेत गरिरहेका थिए । तर चालकले बोलाएपछि उनी विमानतर्फ जाँदै थिए । त्यहिबेला विमान गुड्न सुरु गरेपछि विमानको अघिल्लो भागले उनलाई ठक्कर दिएको प्रहरी नायब उपरीक्षक वीरेन्द्र थापाले जानकारी दिए ।
अचेत अवस्थामा रहेका भामलाई सोही एयरको विमानमार्फत उपचारका लागि नेपालगन्ज लगिएको छ ।
मकालु खबर
२०८१ जेठ १० गते
प्रतिक्रिया
सम्बन्धित